له په‌لاماريگ داعش له سه‌ڵاحه‌دين 4 پۆليس كوشيان و زه‌خمدار بوين
شه‌فه‌ق نيوز/ سه‌رچه‌وه‌يگ ناوچه‌يى له پاريزگاى سه‌ڵاحه‌دين، ئاشكراى كوشيان پۆليسيگ و زه‌خمداربوين 3 پۆليس تر كرد له‌ئه‌نجام گرتنه‌ئامانج ده‌وريه‌يگ ئه‌منى له ده‌ورگرد ناحيه‌ى ئه‌لموعته‌سه‌م له باشوور خوه‌رهه‌ڵات سه‌ڵاحه‌دين له‌لايه‌ن ريكخرياگ داعشه‌وه.
له‌ى باوه‌ته‌و، عه‌لا عه‌بدولڕه‌حمان ئه‌لره‌يحان وه‌ڕيه‌وبه‌ر ناحيه‌ى ئه‌لموعته‌سه‌م ئه‌را ئاژانس شه‌فه‌ق نيوز وت: تيرۆريسته‌يليگ له داعش په‌لامار ده‌وريه‌يگ ئه‌منى دانه ك هه‌وڵ داناين كه‌مين دانه ئه‌را داعش له ناوچه‌ى سعێويه له باشوور خوه‌رئاواى ناحيه‌گه‌و بويه‌سه هووكار كوشيان پۆليسيگ و زه‌خمداربوين 3 پۆليس تر له فه‌وج ته‌وارى.
ئه‌لڕه‌يحان باس له‌وه‌يش كرد هيزه‌يل ئه‌منى ره‌سينه‌سه شوون رويداگه‌گه ئه‌را پشتگيرى ده‌وريه پۆليسه‌گه‌و هه‌ڵمه‌تيگ وشكانن ئه‌را ده‌سگيركردن ئه‌نجامده‌ره‌يل ئه‌و په‌لاماره ئه‌نجام دانه.
