له‌وه‌ر كۆرۆنا.. مووچه‌ى كارمه‌نده‌يل له عراق وه ئه‌لكترۆنى دريا
2020-04-09T10:31:12+00:00
شه‌فه‌ق نيوز/ بانك رافده‌ين رينمايى دا بڕيگ له ده‌زگايه‌يل ده‌وڵه‌ت له‌وانه‌گ مووچه‌يليان له‌لاى بانكه‌گه جيگيره‌و ماسته‌ر كار وه‌رگرتنه كاراى بكه‌ن و مووچه‌ى مانگانه له‌بانى وه‌ربگرن.
له‌ى باوه‌ته‌و، نويسنگه‌ى ره‌سانن بانكه‌گه له به‌ياننامه‌يگ وت: بڕيگ له ده‌زگايه‌يل ده‌وڵه‌ت ماسته‌ر كارد له بانك وه‌رگرتنه‌و كاراى نه‌كردنه‌و هيمان تائيسه مووچه‌ى مانگانه وه ده‌س وه‌رئه‌گرن.
به‌ياننامه‌گه ئاماژه وه‌يه‌يش كرد، بايه‌سه له‌بان ئه‌و ده‌زگايه‌يله موخاتبه‌ى ئداره‌ى گشتى بانكه‌گه بكه‌ن ئه‌را ئه‌وه‌گ ئه‌و كارته‌يله كارا بكريه‌ن تا بانكه‌گه بتويه‌نێد مووچه‌ى مانگانه وه ئه‌لكترۆنى بيه‌ێد جوور هاوشيوه‌يليان له ده‌زگايه‌يل تر، وه‌تايبه‌ت له‌ى باررودوخ ئيسه ك وڵاته‌گه له‌تى ژيه‌ێد له ئه‌نجام بڵاوبوينه‌وه‌ى ڤايرۆس كۆرۆنا.
