له مه‌يدان ته‌حرير ده‌سدريژى كريا بان تيم كه‌ناڵه‌يل ئاسمانى
2015-08-22T09:46:34+00:00
چه‌ودير عراقى له به‌ياننامه‌يگ ئه‌را(شه‌فه‌ق نيوز)وت: داواى په‌يجووريكردن هه‌ڵه‌په‌ڵه‌يگ كرد ئه‌را نواگيرى له‌ى جووره ده‌سدريژيه ئه‌را بان رووژنامه‌نويسه‌يل وه ئه‌وه‌گ ئه‌دێده مايه‌ى گومان له نياز ده‌سڵاته‌يل و جدديه‌ت له هه‌ڵسووكه‌فتيان وه‌ل ئيچنه ره‌فتاره‌يليگ و ئه‌دێده مايه‌ى دروسكردن ئاژاوه.
جى باسه، وه گووره‌ى هه‌مان به‌ياننامه ئه‌وه ده‌ركه‌فت ك بڕيگ له په‌يامنێره‌يل و ره‌سمگره‌يل له كه‌ناڵه‌يل ئاسمانى ئافاق و ئاسيا و به‌غداديه كه‌فتنه‌سه وه‌ر ده‌سدريژى و هه‌ڕه‌شه‌ى كه‌سه‌يليگ هاندرياگ له‌وه‌خت رويماڵكردن خوه‌ينيشانداينه‌يل رووژ جومعه‌ى گوزه‌يشت له مه‌يدان ته‌حرير له به‌غداو مه‌يدان بيس له پاريزگاى نه‌جه‌ف.
