له دو پاريزگاى عراقى تاقيكردنه‌وه‌ى خوه‌ندكاره‌يل دوياخريا
2020-05-30T20:51:30+00:00
شه‌فه‌ق نيوز/ هه‌ردوگ پاريزگاى موسه‌نا و بابل، ئاشكراى دوياخستن تاقيكردنه‌وه‌ى خوه‌ندنكاره‌يل كردن ئه‌را وه‌خته‌يليگ ناديار له ئه‌نجام مه‌رجه‌يل دياريكرياێ وه‌بوونه‌ى ڤايرۆس كۆرۆنا.
له‌ى باوه‌ته‌و، وه‌ڕيه‌وبه‌رايه‌تى په‌روه‌رده‌ى بابل له به‌ياننامه‌يگ ئه‌را ئاژانس شه‌فه‌ق نيوز ئه‌وه ده‌رخست ك بڕيار داگه تاقيكردنه‌وه‌ى ته‌كميلى خوه‌ندكاره‌يل له‌و ماده‌يل نيمه‌ى ساڵ و كۆرسه‌يل يه‌كه‌م قۆناغه‌يل ناوه‌ندى و پۆل شه‌ش سه‌ره‌تايى ساڵ خوه‌نين(2019 - 2020)ئه‌را وه‌خته‌يل تر دويا بخريه‌ێد.
لاى خوه‌ييشه‌و، حه‌سه‌ن مه‌نديل پاريزگار بابل وه وه‌كاله‌ت له به‌ياننامه‌يگ باس له دوياخستن تاقيكردنه‌وه‌ى گشت خوه‌ندكاره‌يل كرد له پاريزگاگه ئه‌را وه‌خته‌يليگ ناديار.
