له حه‌دیسه، داعش 16 هاوڵاتی مه‌ده‌نی گوللـه‌واران كرد
زیاتر وتگه: ئه‌و قوربانیه‌یله سه‌رقاڵ بردن مه‌واد خوراكی له بێجی ئه‌ڕا حه‌دیسه بوينه ك چه‌ن ڕووژ له‌یه‌ووه‌ر له لایه‌ن چه‌كداره‌یل داعشه‌و ڕواكریانه و ئه‌ڕا شوونێگ نادیار بریان و له بان یه‌یش جه‌خت كردگه داعش شه‌ممه شه‌و ژماره‌ێگ له‌و كه‌سه‌یله گولله واران كردگه و ژماره‌ێگتریش سه‌ر بڕیه.
شار بێجی ك له حال حازر كرده‌وه‌یل سه‌ربازی له‌تێ ئه‌نجام ئه‌دریه‌ێ و زورم به‌شه‌گانێ له چنگ چه‌كداره‌یل داعش ئازاد كریاگه ، به‌شێگه له پارێزگاێ سه‌لاحدین و ئه‌كه‌فێگه 200 كیلومه‌تری باكور به‌غدا.
ئه‌لجغیفی وه‌یه‌ش ئاماژه كردگه ك بڕێگ له مه‌ردم شار حه‌دیسه ك له جاده‌ێ بێجی حه‌دیسه هامشو كردنه ، لاشه‌ێ قوربانیه‌یل په‌یا كردنه و ئه‌ڕا شار حه‌دیسه هاوردنه‌سه‌یان.
له‌لاێ خوه‌یه‌وه قسه‌كه‌ر وه‌ناو جه‌نگاوه‌ره‌یل عه‌شایر ئه‌بو مه‌عاز ئه‌لجغیفی " ئه‌و تاوان وه‌حشیانه" شه‌رمه‌زار كردگه ك له لاێه‌ن توندڕه‌وه‌یل داعشه‌وه ئه‌نجام دریاگه.
ڕێكخراو داعش شار حه‌دیسه و ناحیه‌ێ به‌غدادی له هه‌ر چوار لاوه گه‌مارو داگه ، و سه‌ره ڕای په‌لاماره‌یل په‌یاپه‌ێ ، داعش نه‌توێه‌نستگه داگیریان بكا.
ڕێكخراو داعش ك سه‌رزه‌مین وه‌رفراوانێگ له‌خاك عراق كونتروڵ كردگه ، شار حه‌دیسه و ده‌وروه‌ری گه‌مارو خوراكی داگه و ئیسه خوراك له ڕێ ته‌یاره‌یل عه‌سكه‌ریه‌وه له پایگاێ عه‌ینول ئه‌سه‌د ئه‌ڕا مه‌ردمه‌گه‌ی ئه‌وریه‌ێ و له‌وه‌ر ئه‌وه‌گ ئه‌و بڕه خوراكه كه‌مه ، نرخ كیسه‌یگ ئارد ڕه‌سیه‌سه 800 دولار ئه‌مریكی.
