له بۆردومانكردن وازيگايگ تووپان له باشوور كه‌ركوك كوشيان و زه‌خمدار كه‌فته‌و
2019-08-25T09:44:08+00:00
شه‌فه‌ق نيوز/ سه‌رچه‌وه‌يگ وه‌رپرس ئه‌منى ئاشكراى ئه‌وه كرد وه‌لاى كه‌مه‌و په‌نج كه‌س كوشيانه له بوردومانيگ ك وازيگايگ تووپان له باشوور پاريزگاى كه‌ركوك گرته‌سه ئامانج.
له‌و باوه‌ته‌و، سه‌رچه‌وه‌گه ئه‌را شه‌فه‌ق نيوز وت: دويه‌شه‌و ديره وه‌ختيگ بوردمانيگ وه قازيفه‌ى هاوه‌ن وازيگايگ تووپان له ئاوايى ئيمام زه‌ينولعابدين له قه‌زاى داقووق له باشوور كه‌ركوك كرده‌سه ئامانج و بويه‌سه هووكار كوشيان په‌نج مه‌ده‌نى له‌ناونيشانيش راهێنه‌ريگ.
لاى خوه‌ييشه‌و، سه‌رچه‌وه‌يگ پزيشكى له فه‌رمانگه‌ى ته‌ندروستى كه‌ركوك جه‌خت له كوشيان شماره‌يگ مه‌ده‌نى كرد و وت 10 كه‌سيش له ئه‌نجام ئه‌و بوردمانه زه‌خمدار بوينه.
