لایەنەیلیگ سیاسی پشتگیری وهاندان کاتیۆشا وەشنەگان کەن.. وەینزیکە حکومەت ئاشکرایان کەێد
شەفەق نیوز/ ئەسیل نجێفی سەرکردە لە بەرەی رزگارکردن و گەشەدان، ئمڕوو یەکشەممە، ئاشکرای وسانن لایەنیلیگ سیاسی کرد لە پشت ئەوانەگ مووشەکەیل کاتیۆشا وەشنن وەرەو ناوچەی خەزڕا و فڕۆکەخانەی ناودەوڵەتی بەغداد وکامپە سەربازیەگان.
نجێفی ئەرا ئاژانس شەفەق نیوز وت: ئەوەیگ بووشێد هیچ لایەنیگ نیە پتشگیری و هان کاتیۆشا وەشننەگان کەێد، هەڵبەت راسگو نیە، ودووپاتکرد ک گشتیان زانن ک لایەنەیلیگ سیاسی هەس هاندەن لە وەشانن مووشەکەیل کاتیۆشا لەبان باڵیۆزخانە و شوونەیل بیگانەگان.
ودیاریکرد ک حکومەت عراق وەختا چارەسەر ئی باوەتە کەێد، وەراسیەو توانای نواگردن ئەو کۆمەڵەیلە وەهێز نەیرێد، و ئەیە بوودە کاریگەریەیلیگ تر ک شایەت لە هویرمان نەوود، و تەنیا ئاشکراکردن ئەو کۆمەڵەیلە و زانستن حکومەت وەزانیاریەگانی لەلیان، و تەقەلای کۆنتڕۆڵ کردنیان و نواگردن وەشانن کاتیۆشاگان خوەی تەنیا یەکەم گامە.
نجێفی هەمیش وت: ئەوەسا حکومەت عراق ئاشکرای ئەو کۆمەڵەیلە لەنوای هێزە سیاسیەگان کەێد ک پشتگیرییان کەن، و تا ئاژاوەیگ سیاسی نەوود لە هەر جوولەیگ وەهێزی لەروی ئەوانە، و دووپاتکرد ک ئیجوور باوەتەیلیگ بایەدە وەختیگ بوەێد، و چارەسەر نێوود وە روو وەڕویبین، ئەراوە بایەدە وەختیگ بیریەێدە حکومەت تا وەشیوەی خوەی چارەسەری بکەێد.
