لایەنگرەیل چوارچیوەی هەماهەنگی خوەینشاندان لە وەردەم ناوچەی خەزرا کەن
شەفەق نیوز/ بەغداد پایتەخت، ئیوارەی ئمڕوو دووشەممە، خوەینشاندان لەلایەن جەماوەر چوارچیوەی هەماهەنگی وەخوەی دی، ک بڕیگ لە حزەبەیل شیعە هاناوی، ئەوەیش لەوەردەم ناوچەی خەزرا.
دەیان لە لایەنگرەیل چوارچیوەی هەماهەنگی لە وەردەم ناوچەی خەزرا خوەینشاندان کردن، لەلای ناوچەی جادریە، دویای بانگوازیگ لەلایەن "دەسەی رێکخستن پشتگیریکردن شەرعەیت و مقەیەتیکردن دامەزراوەیل دەوڵەت" ک وەرانوەر مانگگردن لایەنگرەیل رەوت سەدر لەناو پەرلەمان عراق هات.
شاندەیل لایەنگرەیل چوارچیوەی هەماهەنگی وەگورەی پارچە ڤیدیۆیەیلیگ دەسکردنە رەسین ئەرا خەزرا، ک سەدریەیل لەناوی مانگگرن، و هیزەیل دژە ئاژاوە نوایان گردن، وبوینە ناوجیکەر ناوبەینیان.
یەکیگ لە لایەنگرەیل چوارچیوەی هەماهەنگی ک تەقەلای رەدکردن وەرەو ناوچەی خەزرا دا ودەسی پلگیایە، لەناو پارچە ڤیدیۆیگ دەرکەفت، و بڕیگیگس دروشمیان وەناو نووری مالیکی و حەشد شەعبی و چوارچیوە وتن.
