پەلاماریگ چەکدار لە ئەعزەمیەی بەغداد.. دیاریکردن راسیەگەی
شەفەق نیوز/ سەرچەوەیگ ئەمنی، ئمڕوو دووشەممە، راسگانی جیوەجیکردن پەلاماریگ چەکدار وەبان ماشینیگ مەدەنی لە ناوچەی ئەعزمیەی ناوڕاس بەغداد دیاری کرد.
سەرچەوەگە ئەرا ئاژانس شەفەق نیوز وت: بەشیگ لە ماڵپەڕەیل سۆشیال دیموکراتی خەوەردان لە پەلاماریگ چەکدار وەبان ماشینیگ مەدەنی لە ناوچەی ئەعزەمیە و بویەسە مدوو کوشیان خاوەنی.
سەرچەوەگە دیاری کرد کە دویای وەشوینکەفتن زانیاری، دەرکەفت کە کەسیگ لەناو ماشینەگەی خوەی وەشیوەیگ سروشتی مردگە لەو ناوچە، و هویچ پەلاماریگ چەکدار نییە.
بیجگە ئەوە، لە بەغداد، سەرچەوەیگ ئەمنی، ئمڕوو دووشەممە، خەوەردا لە زەخمداری گەنجیگ لەداڵگبوی ساڵ 2004 لە ئەنجام تەقەکردن لە خوەی وە دەوانچە، وە تەقەلای خوەیکوشتن لەناو ماڵەگەی لە جادەی جمهوریە لەلای رەسافەی بەغداد پایتەخت.
سەرچەوەگە وتیش: زەخمدارەگە ئەرا خەسەخانە بریا، و لێکۆڵینەوە لە رویداوەگە واز کریا لەوەر گومان لە شیوەگەی.
