لافاو لە ئیرانەو تیەێدە ناو سنوور عراق.. وینە و ڤیدۆ
2025-03-08T06:26:59+00:00
شەفەق نیوز/ یەحیا قەمبەر وەڕیەوبەر ناحیەی قەزانیە لە پارێزگای دیالە، ئمڕوو شەممە، رەسین بڕە لافاویگ لە زەویەیل ئیرانەو وەرەو ناو سنوور عراق راگەیان.
قەمبەر ئەرا ئاژانس شەفەق نیوز وت: شەفەق ئمڕوو تەکان لافاو گەورەیگ لە زەویلەیل ئیرانەو وەرو ناوچەیل سنووری خوەرهەڵات پارێزگای دیال هاتە ناو لە دەورگرد ناحیەی قەزانیە و قەزای مەنەلی.
وتیش: دیارترین ئەو ناوچەیلە کە هاتن لافاو وەخوەیان دین کووڵ کەللا کە وەپی ئویشن دووڵ تەرسق گەورە، وتیش: ناوچەیل سنووری زەرەد دارایی و مرۆیی لە ئەنجام وارنە رفتەیل لە ماوەی ساعەتەیل گوزەشتە وەخوەیان نەین.
هەرلیوا، وەچەودیەیل ئەرا ئاژانس شەفەق نیوز وتن: لافاوەیل ئیران لە زیاتر لە 5 دووڵ سنووری لەناو زەویەیل عراق تەکان دان، دیارترینیان نەفت و لیما و تەهلاو و موێلح و تەرسق.
