لافاو ئاواییەیل عراقی دەورە دەێد و ری لە مامۆستایەیل گڕێد بڕەسنە مەکتەوەیلیان (ڤیدیۆ)
شەفەق نیوز - ئەنبار
وارین فرەیگ باران بویە مدوو بڕین بەشیگ لە رێیەیل و جادەیل ناەوین قەزای راوە و ئاواییەیل سەر وەپی لە پارێزگای ئەنبار، و بویە نواگر لە هاتووچوی لە ناوەین ناوچەیل و ری لە شمارەیگ لە مامۆستایەیل تا بڕەسنە مەکتەوەیلیان.
وەپای پەیامنێر ئاژانس شەفەق نیوز، بەرزەوبوین ئاست ئاو و لافاو ری لە فەرمانبەرەیل پەروەردەیی گرد لە رەدبوینیان و رەسێن ئەرا شوین کارەیلیان، کە بویە مدوو ئامادەبوین لە دەوام وە مدوو تێکچگن کەشوهەوا و سەختی هاتووچوی بان ریەگە.
ناوچەیل خوەرئاوا ئەنبار لە دویەکەو واران وارین فرەیگ وەخوەی دیە، کە بویە مدوو بەرزەوبوین ئاست ئاو و دروستبوین لافاو لە شمارەیگ ناوچەیل، لەناو وەردەوامی کاریگەری بارۆدوخ کەشوهەوا لەبان هاتووچوی و رییەیل، وە تایبەت ئەو ریەیلە کە ناوچەیل نیشتەجیبوین و ئاواییەیل دویرەدەس وە ناوەن قەزایەیل بەسێد.
