كەشناسی عراق.. واران و داوەزیان پلەی گەرمی
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە ناوچەی ناوڕاس نیمچە ئەورە وە شەو بوودە ئەور وەگەرد نمە وارانیگ، و پلەی گەرمی کەمیگ نزمەو بوود،و لە ناوچەی باکوور نیمچە ئەورە وەگەرد تەم لە شەوەکی، و پلەی گەرمی کەمیگ بەرزەو بوود، و لە ناوچەی باشوور رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە.
وتیش: رووژ پەنجشەممە، لە ناوچەی ناوڕاس ئەور و وارانە، و لە ناوچەی باکوور رووشنە وەگەرد لەکە ئەور و دروسبوین تەم سووکیگ مەوقەی شەوەکی، و لە ناوچەی باشوور ئەور پەڵە دەێد وەگەرد گەرمەهڕڕ و پلەی گەرمی لە بەشەیل ناوڕاس و باشوور چەن پلەیگ نزمەو بوود، و لە بەش باکوور نزیک رووژ وەرجە خوەیە.
دیاری کرد کە رووژ جمعە، لە ناوچەی ناوڕاس و باکوور نیمچە ئەورە، و پلەی گەرمی کەمیگ بەرزەو بوود، و لە ناوچەی باشوور ئەورە وەگەرد واران، و پلەی گەرمی نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ شەممەی ئایندە لە ناوچەی ناوڕاس رووشنە، و لە ناوچەی باکوور و باشوور رووشنە وەگەرد لەکە ئەور، و پلەی گەرمی لە بەشەیل ناوڕاس و باکوور نزیک رووژ وەرجە خوەیە گ، و لە بەش باشوور کەمیگ بەرزەو بوود.
