كەشناسی: تا ماوەی سێ چارەک مانگ ئایندە هویچ شەپوولیگ خوەڵوارین نییە
شەفەق نیوز/ سادق عەتیە شارەزای کەشناسی، ئمڕوو سێشەممە، مەزەنە کرد ئی شەپوول خوەڵوارینە ک وڵاتەگە گردیە، کۆتایی وەپی تیەێد تا سێ چارەک مانگ ئایندە وەگەردیا پلەی گەرما بەرزەو بوود ئاڵشتبوود ئەرا کەشوهەوای تاوسانی.
عەتیە بڵاوکراوەیگ لە بان تووڕ کۆمەڵایەتی فەیسبووک ئمڕوو وت؛ لەدویای ئەو شەپوول خوەڵوارینە ک لە دویەکە و تا ئمڕوو شەوەکی وڵاتەگە گردیە، نەخشەیل کەشوهەوا دیاری کەن هویچ شەپووڵ خوەڵوارین فراوانیگ نییە تا هەفتەی یەکەم یا سێ چارەک مانگ ئایندە لەوەر کۆنترۆڵکردن کەشوهەوا وەلایەن بارستە وای گەرمیگ و هویچ جیاوازییگ گەرمی ئاسۆیی نییە.
وتیش، پلەیل گەرما لە کۆتایی هەفتە دەسکەنە بەرزەوبوین و کەشوهەوای تاوسانی گلەوخوەێد، دیاریکرد لە کۆتایی مانگ وای باکور خوەرئاوا دەسکەێد وە چالاکی لەمەوقەیل رووژ، یەیش هووکارە ئەرا دروسبوین خوەڵ و تووز ناوخوەیی لەناوچە بیاوانییەیل.
عەتیە وتیش، لەماوەی هەفتەی یەکەم لە مانگ ئایندە یا لە کۆتایەگەی نەخشەیلە دیاری بارستەیگ سەردی کەن لە ئەوروپا ک بوودە هووکار جیاوازی پلەی گەرمی.
