كەرکوک.. پەیاکردن تەرمەیل داعش یەکیگیان بومب وەپی بویە لەدویرەو تەقیایە
![كەرکوک.. پەیاکردن تەرمەیل داعش یەکیگیان بومب وەپی بویە لەدویرەو تەقیایە](https://media.shafaq.com/media/arcella/1692275951856.jpg)
دویەکە فەرماندییەگە راگەیان ک هیز ئاسمانی عراقی وە فڕۆکەیلF_16 گورزیگ لە دووڵ چای لە کەرت کەرکوک وەشانن، و هیزیگ لە هەواڵگری سەربازی وە هەماهەنگی وەگەرد شانەی ئامانجکردن دەرچینە وەشکین شوینەگە.
فەرماندییەگە ئمڕوو لە بەیاننامەیگ ئەنجام ئەو گورزە راگەیان و وت: بویە هوکار ویرانکردن دیوەخان گەورەیگ و ژووریگ لەژیر زەوی، و سێ سەنگەر، و ماشینیگ پیکاب.
وتیش؛ تەرم دوو تیرۆرست پەیا کریا یەکیگیان بومب وەپی بویە لەدویرەو تەقیایە، وەگەرد لاشەی چویچیای دوو تیرۆرست، لە ئەنجام ئەو گورز ئاسمانیە، و تەقانن چوار بومب دانریاگ و پەیاکردن سێ ئامێر وزەی خوەر.
هەمیش بڕیگ پەیام تیرۆرستەیل پەیا کریا کە وەدەس نویسیایە، هەمیش جنگ و پڕتاڵ مەدەنی و سەربازی و ناوماڵە و خوەراک و تانکی ئاو، و گولەی RPG7 پەیا کریا.