كۆمسيۆن چه‌وه‌ڕێ مه‌سه‌له‌يگ ئه‌كا وه‌رجه هه‌ڵوژاردنه‌يل ئه‌نجومه‌ن پاريزگايه‌يل
شه‌فه‌ق نيوز/ كۆمسيۆن باڵاى هه‌ڵوژاردنه‌يل له عراق, ئاشكراى ته‌واوكردن 90% له ئاماده‌ركاريه‌يلى كرد ئه‌را ئه‌نجامداين هه‌ڵوژاردنه‌يل ئه‌نجومه‌ن پاريزگايه‌يل.
له‌و باوه‌ته‌و, مه‌عن هيتاوى سه‌رۆك ئه‌نجومه‌ن كۆمسياره‌يل ئه‌را شه‌فه‌ق نيوز وت: كۆمسيۆن ريژه‌ى 90% له ئاماده‌كاريه‌يلى ئه‌را ئه‌نجامداين هه‌ڵوژاردنه‌يل ئه‌نجومه‌ن پاريزگايه‌يل ئه‌نجام داگه وه گووره‌ى ياساى تايبه‌ت وه‌و باوه‌ته.
هيتاوى هه‌ميش وت: له‌ماوه‌ى گوزه‌يشت ديداره‌يل فريه‌يگ وه‌ل ليژنه‌ى ياسايى له ئه‌نجومه‌ن نوێنه‌ره‌يل عراقى داشتيمنه ئه‌را مه‌سه‌له‌ى ته‌واوكردن گشت هه‌مواركردنه‌وه‌يگ له ياساى هه‌ڵوژاردنه‌يل ك ديد تايبه‌ت كۆمسيۆن له‌تى بويه و ئوميده‌واريشيم ده‌نگ له‌بان ئه‌و هه‌مواركردنه بدريه‌ێد له‌ماوه‌ى چه‌ن رووژيگ ئاينده، شوينكه ناتويه‌نريه‌ێد هه‌ڵوژاردن ئه‌ننجام بدريه‌ێد وه‌بى هه‌مواركردن ياسا له‌لايه‌ن په‌رله‌مانه‌وه‌و هه‌ر وه‌و خاتريشه چه‌وه‌رێ ئه‌كه‌يم.
