كۆریاێ باكوور نه‌يشت بان كی مون سەردان ئەو وڵاتە بكا
بان كی مون ئەمیندار گشتی نەتەوەیل يەكگرتگ ك بڕیاربوی ئه‌را وەسەركردنەوەێ ناوچەێگ ئابووری هاوبەش لە ناونی هەر دو كۆریا سەردان كۆریای باكوور بكا، ڕووژێگ وەرجلە ئەنجامداين ئەو سەردانە لەلایەن حكومەت پیونگ یانگەو ئاگاداره‌و كريا لەوەگ ناتويه‌نێ سەردان ئەو وڵاتە بكا.
بان كی مون لەو بارەوە وتگە، ئامانج سەرەكی سەردانەگەێ ئەوە بويە، ك هەردو كۆریاێ باكوور و باشوور له‌يه‌ك نزیكه‌و بكا، وه‌لێ دەسەڵاتداره‌یل پیونگ یانگ وەبێ ئەوەگ مه‌مه‌رەگەێ ئاشكرا بكەن، سەردانەگە هەڵوەشاننەسەو.
ئەگەر ئەو سەردانە ئەنجام بدرياتاد، بان كی مون بويادە یەكەم ئەمیندار گشتی نەتەوەیل يەكگرتگ ك لە ماوەێ 20 ساڵ گوزه‌يشته چيەسە كۆریاێ باكوور.
وه‌رجله‌يه ئاژانس یوهانپی كۆریاێ باشوور لە زووان بان كی مونەو بڵاویه‌وكردويد، ك لە سەردانەگەێ داوا لە وەرپرسه‌یل كۆریاێ باكوور ئەكا ئه‌ڕا چەسپانن ئاشتی و ئارامی هاوكاری كۆمەڵگاێ ناودەوڵەتی بكا.
لە ساڵه‌یل 1950 تا 1953 جه‌نگ لە ناوبه‌ێن هەر دو كۆریا هاتە ئاراوە و سه‌ربار ئعلانكردن ئاگربەس لە ناونی ئەو دو وڵاتە، وه‌لێ تا ئيسه پەیماننامەێ ئاشتی لە ناوبه‌ێنیان ئمزا نەكرياس.
