كوهيت خوازيار دانيشتن تازهيگه وهل عراق و ريككهفتن خۆر عهبدوڵڵا خسته دروو
![كوهيت خوازيار دانيشتن تازهيگه وهل عراق و ريككهفتن خۆر عهبدوڵڵا خسته دروو](https://media.shafaq.com/media/54th0ech/c882e58c-cdf3-4643-9df8-d18159ad730d.jpg)
شهفهق نيوز/ خالد جارهڵڵا جيگر وهزير خارجيهى كوهيتى، ئاشكراى ئهوه كرد وڵاتهگهى خوازياره دانيشتن تازهيگ وهل عراق ساز بكا ئهرا داناين مهرزهيل دهريايى وهتهواوى لهناونى ههردوگ وڵات و له ههمان وهخت پشتبهسانن وه ريككهفتن خۆر عهبدوڵڵا لهى چوارچێوهى خسته دروو.
جارهڵڵا ئهرا رووژنامهنويسهيل جهخت لهوه كرد كوهيت لهشوون خاڵ(162) ههوڵ داناين مهرزهيل دهريايى ئهياد وهل عراق و قسهيش لهبارهى ريككهفتن خۆر عهبدوڵڵا وه ئهوهگ ريككهفتنيگ بويه لهبان داناين هواو مهرزهيل دهريايى ناونى ههردوگ وڵات وه نادروس تاريف كرد.
جارهڵڵا ههميش وت: خۆر عهبدوڵڵا له بڕيار شماره(833)دانرياگه ك لهلايهن ئهنجومهن ئاسايش ناودهوڵهتييهو دهرچيه، وهلێ لهبارهى خاڵ(162)، مهسهلهگه ههوهجه وه دانيشتن و تاووتوێكردن ههردوگلا ديرێد ئهرا داناين مهرزهيل دهريايى وهگوورهى ياسايهيل ناودهوڵهتى.