كوشيان و دەسگیرکردن لە زیقار و میسان

شەفەق نیوز/ دوو سەرچەوەی ئەمنی، ئمڕوو جمعە، خەوەردان لە کوشیان سەرپەرشتیار لەبان فەرمانەیل دەسگیرکردن وەگەرد دەزگای دەسپاکی لە میسان، و کوشیان مامووستایگ لە زیقار.

یەکیگ لە سەرچەوەیلە ئەرا ئاژانس شەفەق نیوز وت: چەکدارەیلیگ نەناسریاگ شەوەکی ئمڕوو لە ناوچەی نەهاوەند لە پارێزگای میسان، نەقیب (محمد شەموسی)  کوشت ک سەرپەرشتی لەبان فەرمانەیل دەسگیرکردن وەگەرد دەزگای دەسپاکی کەێد.

لەلای خوەییش، سەرچەوەیگ تر ئەرا ئاژانس شەفەق نیوز وت: مامووستایگ لە ناحیەی فەجر لە باکوور پارێزگای زیقار کەفتە وەر گولە و هەڵە لەلایەن برادەرەگەی ک ئەویش مامووستاس.

لە زیقار هەمیش لە قەزای غەراف، گەنجیگ لە داڵگبوی ١٩٩٥ ، لەوەر گرفتەیلیگ خیزانی، تەقە لە سەر خوەی کرد و خوەی کوشت.