كوشيان ئەفسەریگ وە رووداویگ ورزکارکردن دوو کەس لە باشوور عراق

شەفەق نیوز/ سەرچەوەیگ ئەمنی لە زیقار، ئمڕوو شەممە، خەوەردا لە کوشیان ئەفسەریگ وە رووداو هاتوچوو لە باشوور پارێزگاگە، و تیمەیل وەرگری شارستانی دوو کارمەن لە مردن مسۆگەریگ لە باشوور شار ناسریە رزگار کردن.

سەرچەوەگە ئەرا ئاژانس شەفەق نیوز وت: ئەفسەریگ وە پلەی رائید سەروە وەزارت وەرگری، لەوەر یەکدان ماشینەگەی وەگەرد ماشینیگ تر لەبان ری ناسریە و قەزای سوق شیوخ گیانی لەدەسدا.

لەلاییگ تر، سەرچەوەگە ئەرا ئاژانس شەفەق نیوز وت: تیمیگ سەروە وەرگری شارستانی دوو کارمەن لە ناو تەمەن بیس ساڵان لە مەرگ مسۆگەر رزگار کرد، دویای ئەو ک کەفتنە ناو چاڵ ئاوەڕۆی لە ناحیەی فەزلیە لە باشوور پارێزگاگە لە مەوقەی کارکردنیان.

وتیش؛ رزگارکردن کارمەنەیلە وە دراوردنیان وە پەت جیوەجی کریا، و رەوانەیان وەرەو خەسەخانە کریا.