كه‌سيگ له پاريزگايگ باشوور عراق خيزانيگ وه ته‌واوى كوشت
2019-07-27T10:18:32+00:00
شه‌فه‌ق نيوز/ سه‌رچه‌وه‌يگ ناوچه‌يى و شايه‌تحاڵه‌يل ئاشكراى ئه‌وه كردن كه‌سيگ چيه‌سه ناو ماڵيگ له پاريزگا ميسان و خيزانيگ وه ته‌واوى كوشتگه ك پيكهاتنه له سێ كه‌س.
ئه‌و سه‌رچه‌وه‌و شايه‌تحاڵه‌يله ئه‌را شه‌فه‌ق نيوز وتن: كه‌سيگ وه چه‌ك بيده‌نگ چيه‌سه ناو ماڵيگ له كويچه‌ى ئيسكان له‌پشت نه‌خوه‌شخانه‌ى مناڵه‌يل و ته‌قه له خيزانيگ كردگه ك پيكهاتنه له سێ كه‌س ك ژنيگ و كوڕه‌گه‌ى و دويه‌تيگى بوينه‌و يه‌كسه‌ر هه‌رسێگيان كوشتگه‌و هه‌يوايه ئه‌را شوونيگ ناديار.
جى باسه، شايه‌تحاڵه‌يل باس له‌وه‌يش كردن ك هووكار كوشتن ئه‌و خيزانه تائيسه نه‌زانرياگه.
