كازمی بڕیار دەێد دەس سێ وەرپرس گەورە بکیشێدەو
شەفەق نیوز/ موستەفا کازمی سەرۆک ئەنجومەن وەزیرەیل، ئمڕوو یەکشەممە، بڕیاردا دەس سێ وەرپرس گەورە بکیشێدەو لەناویان وەزیر حەسەن تمینی تەندروسی و ژینگەس، لە پشت رووداو ئاگرەگە ک لەناو خەسەخانەی ئبین خەتیب بویەو، و بویە هووکار دەیان لە کوشیان و زەخمداری.
کازمی لە کۆبونەوە جیوازەگە بڕیار لێکۆڵینەوەیگ وە سەرپەرشتیاری عوسمان غانمی وەزیر ناوخۆ دا، وە ئەندامی هەر لە وەزیر پلانسازی و وەزیر داد و سەرۆک دەزگای دەسپاکی، و سەرۆک دیوان چەودیری دارایی فیدڕالی و نوێنەر ئەنجومەن نۆێنەران/ ئەندام چەودیریکار.
حکومەت لە بەیاننامەیگ رەسیە ئاژانس شەفەق نیوز وت: لێکۆڵینەوە لە رووداو ئاگر خەسەخانەی ئبین خەتیب ودیاری خاوەن کەموکوڕیەیل و سزادانیان کریەێد.
هەمیش بڕیار دەسکیشان وەزیر تەندروسی و پارێزگار بەغداد و وەڕێۆبەر گشتی تەندروسی رەسافە و هەواڵەکردنیان ئەرا لێکۆڵینەوە دریا.
بەیاننامەگە ئاماژە کرد ک ئەی لێکۆڵینەوە لەماوی پەنج روزژ ئەنجام دریەێد، و راپۆرتەگە خریەێدە وەردەس ئەنجومەن وەزیران، و توانای پشتبەسان وە پسپۆڕەیلیگ لە ناوخۆ و تەندروسی هەس.
