قەیەغەکردن هامشوو لە گشت پارێزگایل عراق رووژەیل ٢٠ و ٢١ تشرین دویەم
![قەیەغەکردن هامشوو لە گشت پارێزگایل عراق رووژەیل ٢٠ و ٢١ تشرین دویەم](https://media.shafaq.com/media/arcella/1725196924664.jpg)
ئەوەیش لە گردەوبوینیگ وە سەرۆکایەتی محمد شیاع سودانی سەرۆک وەزیرەیل، لە سێیەم گردەوبوین ئەرا ئەنجومەن باڵای دانیشتگ، کە لەناوی باس و وەشوینکەفتن ئامادەکاریەیل ئەرا ئەنجامدان هەشمارکردن دانیشتگەیل و ماڵەیل کریا ئەرا مانگ تشرین دویەم ئایندە.
لە گردەوبوینەگە بڕیگ بڕیار دەرچگ ئەرا ئاسانکردن هەشمارکردن و ئامادەکاری و راهێنان وەیجویرە: چەسپانن قەیەغەی هامشوو لە گشت پارێزگایل عراق لە رووژەیل ٢٠ و ٢١ تشرین دویەم ئایندە، ئەرا ئەنجامدان هەشمارکردن دانیشتگەیل.
هەمیش بڕیار دریا چارەسەرکردن داواکاریەیل وەرد حکومەت هەرێم کوردستان لە ڕاهێنان کادرەیل هەشمارکردن.
لەناو بڕیارەیل، پاڵپشتیکردن وەزارەت پەروەردە و خوەنوواری باڵا و توێژینەوەی زانستی ئەرا هەشمارکاری لەڕی ئامادەکردن هۆڵەیل خوەنسن ئەرا ڕاهێنان و هەمیش ناوەندەیل گەنج لەڕی وەزارەت گەنج و وەرزشی.
وەزارەت پلانسازی رووژ یەکشەممەی یەک ئەیلوول، دەسکرده شمارەکردن، مە تا ماوەی دوو مانگ وەردەوامە، ئەوەیش جویر ئامادەکاری ئەرا جیوەجیکردن هەشمارکاری دانیشت و ماڵەیل، کە بڕیارە لە بیس تشرین دویەم ٢٠٢٤ وەڕیەو بچوود.