"چەقوو" شەوەکی بەغداد شیونێد

شەفەق نیوز/ شەوەکی ئمڕوو یەکشەممە، بەغدای پایتەخت وەبان دوو تاوان کوشتن لە ئەنجام دوو وەردەوەردە وە چەقوو چەو وازکرد.

سەرچەوەگە وەم ئاژانس شەفەق نیوز خەوەردا، "مەرافیگ ناوەین دوو هاوسا لەناوچەی دور ئەللواعیب لە عامریە، رویدایە کە نەزانریایە هووکارەگەی چەیگە رەسیە ئەرا وەکارهاوردن چەقوو، لە ئەنجام یەکیگیان وە چەقوو کوشیا و هێزە ئەمنیەیل مینەی تاوانبارەگە کەن".

 سەرچەوەگە وتیش "لە مەرافیگ ترەک کە لەناوەین وەکارهاوەرەریل مادەیهووشبەر رویدایە لەناو شوقەیگ لەناوچەی حەبیبیە، رەسیەسە وەکارهاوردن چەقوو، لە ئەنجام یەکیگیان کوشیا و ئەوەکەیش وایە، هێزەئەمنیەیل لەناو شوقەگە مادەی هووشبەر پەیاکردنە".