قورتارکردن ئەندامەیل خیزانیگ لە دەس کوڕ خوەیان لە بەغداد
2023-08-11T09:30:11+00:00
شەفەق نیوز/ هیزەیل ئەمنی، ئمڕوو جومعە، توەنست ئەندامەیل خیزانیگ ئازادبکەن ک هەڕەشەی تەقاننیان کردیە لەناو ماڵەگە لە شار سەدر خوەرهەڵات بەغدا.
سەرچەوە ئەمنیەگە وە ئاژانس شەفەق نیوز وت، زانیاری رەسیە خیزانیگ چوار کەسی وەلایەن کوڕەگەیان لەناو ماڵیان دەسوەسەر کریانە ک نارنجە وەپی بویە ک وە نیاز بویە ئەرایان بوەشنیدەێ لەناوچەی 32 لە شار سەدر.
وتیش، هیزەیل ئەمنی لە پۆلیس رەسافە توەنستنە لە دویای پیلان دانان و هەڵکوتانە بان ماڵەگە، دەسگیری بکەن و ئەندامەیل ئازاد بکەن، ئاشکەرایکرد وەپای قسەیلیان توومەتبارەگە ئالوودەی مادەی هووشبەرە.
