٨ قوربانی و زەخمدار وە رووداو هاتوچوو دڵتەزنیگ لە دیالە

شەفەق نیوز/ سەرچەوەیگ ئەمنی لە دیالە،  ئمڕوو یەکشەممە،  خەوەردا لە کەفتن هەشت قوربانی و زەخمدار وە رووداو دڵتەزنیگ لەبان ری بەغداد- کەرکوک.  

سەرچەوەگە ئەرا ئاژانس شەفەق نیوز وت: شەش مەدەنی کوشیان و دووان زەخمدار بۊن وە رووداو لەیەکداین لە بان (ری مەرگ) ری بەغداد – کەرکوک لەنزیک ناحیەی عزێم.  وتیش؛ تەرمەیل قوربانیەیلە وەرەو پزشک دادوەری و زەخمداریلە وەرەو خەسەخانەی خاڵس بریان.

لەوەر ئەو رووداوەیل بکوشە ک لەبان ئەو ریە بوود، رانندەیلە ناو (ری مەرگ) بڕینەسە باڵای ری بەغداد _ کەرکوک.