٩ قوربانی فرەیان گەنجە وە رویداوەیلەیلیگ جیاجیا لە نەجەف و زیقار
سەرچەوەگە ئەرا ئاژانس شەفەق نیوز وت: گەنجیگ لەناو تەمەن بیس ساڵان وە مرافەیگ چەکدار وەگەرد ئاموزای خوەی لەناو ماڵیان لەناوچەی حەی ئەلحوسەین ناوڕاس شار ناسریە کوشیا.
سەرچەوەگە وتیش: گەنجیگتر لە قەزای شەترە کەفتە وەر زەخمداری وە چشتەیل تیژ، وتیش؛ ئەو گەنجە لەناو مرافەیگ لەبان زەوی کشتوکاڵی زەخمدار بوی.
هەمیش لە زیقار، گەنجیگ لەناو تەمەن سی ساڵان لەناوچەی شەرقیە ناوڕاس ناسریە، وە لەچک ژنانە خوەی کردیەسە دارەو وەقەی پەنکەی ناو ژوورەگەی، و تەرمەگەی ئەرا پزشک دادوەری بریا.
گەنجیگتر وە رویداویگ هاتوچو ناوبەین دوو ماشین لەبان ری ناودەوڵەتی زوینەی ناوبەین زیقار و بەسرە گیانی لەدەسد، و دوو کەسیش زەخمدار سەختیگ بوینە و بریانە خەسەخانە.
لە نەجەف، رانندەی ماشینیگ ساڵۆن لەناو جادەی جتسیە ناوڕاس ناوەند پارێزگاگە، ماسین لەدەسی دەرچگ و دادە شەش ماشین، ک زەرەدەیل فرەیگ وەو ماشینەیلە رەسێد و ٣ کەسیش زەخمدار بوین.
