فڕۆکەیل هاوپەیمان ناودەوڵەتی چوار داعشی لە کەرکوک پارچە کەێد
شەفەق نیوز/ شانەی راگەیانن ئەمنی، ئمڕوو چوارشەممە، خەوەردا لە کوشتن چوار کەس لە داعش وە گورزیگ ئاسمانی لەلایەن فڕۆکەیل هاوپەیمان ناودەوڵەتی لە پارێزگای کەرکوک.
شانەگە لە بەیاننامەیگ رەسیە ئاژانس شەفەق نیوز وت: لە تەواوکردن ئۆپراسیۆنە زوینەگان وە سەرپەرشتیاری فەرماندەی ئۆپراسیۆنە هاوبەشەگان ئەرا وەشوونکەفتن چەتەیل داعش تیرۆرست لە ناوچە کوێەگان و دویرەگان، و وەگورەی زانیاریەیلیگ وورد، فەرماندەی ئۆپراسیۆنە هاوبەشەگان رینماگە فڕۆکەی هاوپەیمان ناودەوڵەتی وە بمبارانکردن حەشارگەیل چەتەیل داعش لە کەرت ئۆپراسیۆنەگان کەرکوک.
وتیش؛ ئەرا زانستن و چەودیریکردن لە ئەنجامەیل ئی گورزە، هێزیگ لە فەوج چوارەم لە لیوای پیادەی ٣٤ لە فیرقەی نۆەک وەرەو ناوچەی نامەوور دەرچگ، ک پارچە لاشەیل چوار کەس لە ئەندامەیل داعش و ماشینیگ ویرانکریاگ، و تراکتۆریگ، و ماتووڕسکڵیگ ویرانکریاگ، هەمیش دوو کلاشینکۆف پەیا کردن.
