فەرماندەیل سوپا وەسەرکەردن بڵاوەوبۊن سەربازی و ئامادەیی جەنگی لە کەرکووک و دەورگردی کەن
شەفەق نیوز - کەرکووک
جیگر سەرۆک ئەرکان سوپا ئەرا ئۆپەراسیۆنەیل فەریق روکن سەعد حەربییە، و فەرماندەی هێزەیل هشکانی فەریق روکن قاسم محەمەد ساڵح محەمەدی، رووژ شەممە رەسینە پارێزگای کەرکووک، و چەن گەشتیگ مەیدانی ئەنجام دان کە شمارەیگ لە ناوچەیل بڵاوەوبۊن یەکە سەربازییەیل لە پارێزگاگە و دەورگردی لەخوەی گرد، ئەرا ئاگاداربۊن لە رەوشەیل ئەمنی و وەدۊاچگن ئەرا وەڕیەوچگن ئەرکە سەربازییەیل.
سەرچەوەیگ سەربازی لە لێدوانیگ ئەرا ئاژانس شەفەق نیوز وت، کە سەردانەگە گەشتەیل وەسەرکەردن لەخوەی گردگە لەبان شوینەیل بڵاوەوبۊن هێزەیل و یەکە سەربازییەیل، و ئاگاداربۊن لە سروشت ئەو ئەرکەیلە کە دریانە وەپیان، بیجگە لە وەدۊاچگن ئەرا ئەو ریکارە ئەمنییەیل کە گیریاگەسە وەر لەو ناوچەیلە کە پێکهاوردە سەربازییەیل لەناوی بڵاوەو بۊنە.
دیاری کرد کە فەرماندە سەربازییەیل لە ماوەی گەشتەیلیان ئاگادار بۊن لەبان ئاست ئامادەباشی و ئامادەیی جەنگی ئەرا هێزەیل، و میکانیزمەیل جیوەجیکردن ئەرکە مەیدانییەیل، و ئەو ئاستەنگەیلە کە رۊوەرۊ یەکەیلەو بوون لە ناوچەیل وەرپرسیاریەتی.
سەرچەوەگە دەسنشان ئەرا ئەوە کرد کە گەشتەگە ناوچەیلیگ لە دەورگرد پارێزگای کەرکووک لەخوەی گرد، وە ئامانج وەدۊاچگن ئەرا بڵاوەوبۊن سەربازی وە شیوەی مەیدانی و دڵنیابۊن لە کاریگەری ئەو ریکارە پەیڕەوکریاگەیل لە مسۆگەرکردن ناوچەیل، و وەهێزکردن هەماهەنگی لە ناوەین فەرماندەیل و یەکە سەربازییەیل.
ئی سەردانە لە چوارچیوەی ئەو گەشتە مەیدانییەیلە تیەێد کە فەرماندە سەربازییە باڵایەیل ئەنجامی دەن ئەرا وەدۊاچگن کارکردن یەکەیل و ئاگاداربۊن لە خوازینەیل کارەیلیان، وە شیوەیگ کە بەشدار بوود لە وەهێزکردن ئاسایش و سەقامگیری و ریگریکردن لە هەر هەڕەشەیلیگ کە شایەت پارێزگاگە و ئەو ناوچەیلە کە دەوری دانە بکەێدە ئامانج.
