فيشتر له 45 مليار دۆلار ئه‌را كاره‌با خه‌رج كرياگه
2015-09-06T10:27:15+00:00
له‌ى باوه‌ته‌و، تارق سديق ئه‌ندام په‌رله‌مان عراقى و سه‌رۆك ليژنه‌ى نه‌فت و غاز له په‌له‌مان عراق له ديداريگ ته‌له‌فزيۆنى ك(شه‌فه‌ق نيوز)ئاگادارى بوى، ئه‌وه ده‌رخست ك له‌ماوه‌ى 10 ساڵ گوزه‌يشت فيشتر له 45 مليار دۆلار ئه‌را كه‌رت كاره‌باى عراق خه‌رج كرياگه، وه‌لى وه بوونه‌ى خراو وه‌كارهاوردن ئه‌و پويله‌و له‌ڵاى گه‌ناته‌كاريه‌و هويچ پيشكه‌فتنيگ له‌و كه‌رته روى نه‌ياگه.
جى باسه، ناوبرياگ هه‌ميش وت: ئه‌گه‌ر خاسسازيه‌يل حه‌يده‌ر عبادى سه‌رۆك وه‌زيره‌يل له‌بان ئى ريڕه‌وه دريژه داشتوود، ئه‌وه بيگومان ئوميد گه‌ورايگ هه‌س ئه‌را خاستربوين بار عراق له ڕوى خزمه‌توزارى و ئاسايش و سه‌قامگيريه‌و.
