فورات زیارەتکاریگ "ئیمام حسێن" لە زیقار قویت دەێد
2023-08-18T13:43:33+00:00
شەفەق نیوز/ سەرچەوەیگ ئەمنی، ئمڕوو جومعە، خەوەردا لە نقومبوین زیارەتکاریگ لەمەوقەی مەلەکردن لەناو چەم فورات، مەوقەیگ کە وە پیادە وەرەو کەربەلا چگە ئەرا یاد زیارەت چلەی ئیمام حسێن.
سەرچەوەگە وە ئاژانس شەفەق نیوز وت، " زیارەتکارەگە تەمەنی 15 ساڵانە، لە نزیک ئەسالە لە سوق شیوخ نقوم بویە، لەناو چەم فورات لە باشوور شار ناسڕیە ناوەن پارێزگاگە".
سەرچەوەگە وتیش، "زیارەتکارەگە خەڵک ناسڕیەس، وەرجە ئەوە ئەرا بەسڕە چیە، لەورا دەسکردیە ریکردن وەرەو پارێزگای کەربەلا ئەرا زیارەت چلەی ئیمام حسێن".
سەرچەوەگە دیاریکرد، "پۆلیس دەریاوانی رەسیەس ئەرا مینەکردن تەرمەگە لەناو چەم فورات، باوجی تا ئیسە پەیا نەکریاگە".
