فه‌رامشووكردن سه‌ڵاحدين و نه‌وين خزمه‌تگوزارى له‌تى ناڕه‌زايى له‌لى كه‌فته‌وه
2020-06-17T11:30:21+00:00
شه‌فه‌ق نيوز/ مه‌نار شه‌ديدى ئه‌ندام ليژنه‌ى خزمه‌گوزاريه‌يل نوێنه‌رايه‌تى له‌بان پاريزگاى سه‌ڵاحه‌دين، ناڕه‌زايى له‌باره‌ى نه‌وين پشتگيرى حكومى و ناوده‌وڵه‌تى ئه‌را پاريزگاگه ده‌رخست و باس له‌وه‌يش كرد شوونه‌وار ويرانكارى ك داعش ئه‌نجامى داگه هيمان باڵ كيشاسه بان سه‌ڵاحه‌دين.
شه‌ديدى ئه‌را ئاژانس شه‌فه‌ق نيوز وت: پاريزگاگه له‌ڕوێ خزمه‌تگوزارييه‌وه وه ته‌واوى فه‌رامووش كرياگه له‌وه‌ختيگه‌و رزگار كرياگه وه‌رجه 4 ساڵ له‌ژير ده‌سڵات ريكخرياگ تيرۆريسى داعش.
شه‌ديدى باس له‌وه‌يش كرد پشتگيرى حكومى و ناوده‌وڵه‌تى له پاريزگاگه وجوود نه‌يرێد سه‌ربار ئه‌و هه‌مگه كاولكارى و ويرانكاريه ك وه‌پى ره‌سيه له‌لايه‌ن ريكخرياگ تيرۆريستى داعشه‌وه.
