فرەگەی ها کەرکووک.. عراق 57 زەويلەرزە لە تەمووز توومار کەێد
شەفەق نیوز ـ بەغدا
بەش چەودێری زەویلەرزە لە دەسەی گشتی مەزەنەی کەشوهەوای عراقی، ئمڕوو پەنجشەممە، راگەیان (102) زەویلەرزە وومارکردنە کە بەشەو بوود وە بان (57) زەویلەرزە لەناو عراق و (45) زەویلەرزە لە دەیشت عراق و لە نزیگ سنوورەیلی لە مانگ تەمووز/ یولیۆی 2026.
وەپای بەیاننامەیگ لە دەسەگە رەسیە ئاژانس شەفەق نیوز، چالاکیەکە وە شێوازیگ ئاشکرا لە پارێزگای کەرکووک خەسەو بویەو، کە (32) زەویلەرزە لە ناوچەیل داقوق و شوونەیل ترەک توومارکریا، و لەدویای ئەو پارێزگای سلێمانی وە (8) زەویلەرزە لە ناوچەیل (کەلار، و دەربەندیخان، و شارباژێڕ)، لەدویای ئەو پارێزگای دیالی وە (5) زەویلەرزە لە ناوچەی خانەقین.
بەیاننامەگە دیاریکرد ئەرا توومارکردن (4) زەویلەرزە لە پارێزگای هەولێر لە ناوچەیل (کۆیە، و چۆمان، و شەقڵاوە)، و (4) زەویلەرزە لە پارێزگای نەینەوا لە ناوچەیل (تەلکێف، و شەنگال، و حەزەر)، لە وەختیگ یەک زەویلەرزە لە هەر یەک لە پارێزگایەیل واست (کوت)، میسان (عەمارە)، بەسرە (قورنە) و زیقار (رفاعی) توومارکریا.
دیاریکرد ئەرا چوولی ناوچەیل خوەرئاوا و باشوور خوەرئاوا عراق لە هەر چالاکییگ زەویلەرزە لە درویژایی مانگ تمووز/ یولیۆ وە مدوو سروشت جویلەی پلێت عەرەبی و شوون عراق وەرانوەری، کە چالاکی زەویلەرزە وە پلەپل زیاد کەێد وەرەو ناوچەیل لەیەوکدان کیشوەری،وە تایبەت لە باکوور و باکوور خوەرهەڵات وڵاتەگە.
لە ناو ئەو زەویلەرزەیلە کە لە دەیشت عراق توومارکریان (29) زەویلەرزە لەناو زەویەیل ئیران بویە لە پارێزگایەیل (ئیلام، لڕستان، کرماشان، کوردستان و ئازەربایجان) و لە نزیگ سنوورەیل عراقی، وەپای بەیاننامەگە، لە وەختیگ (16) زەویلەرزە لەناو زەویەیل تورکیا لە ناوچەیل (وان، و شڕناخ، و جۆلەمێرگ) نزیگ لە سنوورەیل عراقی توومارکریا.
