فرەیان ئەفسەرن... وەزارەت ناوخوەی 10 ئەندام خوەی ئەرا دادگای هێز ئەمنیەیل کلکەێد لەوەر وایین زیندانییگ لە بەسرە
2024-02-28T13:16:22+00:00
شەفەق نیوز/ وەزارەت ناوخوەی، ئمڕوو چوارشەممە، بڕیاردا وە کلکردن 10 ئەندام خوەی کە فرەیگیان ئەفسەرن لەوەر وایین زیندانییگ لە پارێزگای بەسرە وەمدوو کەمتەرخەمی و کەموکوڵییان.
وەزارەتەگە ئمڕوو لە بەیاننامەیگ راگەیان، بڕیارە (6) ئەفسەر و(4) کۆمیسار کلبکرێد ئەرا دادگای هێزەیل ئەمنی ناوخوەی وەپای بڕگە مادەیل( 31 و 341 و 271) لەوەر کەمتەرخەمی و کەموکوڵی کە بویەسە مدوو وایین زیندانییگ وە ناو (ئەحمەد شاێع)، دیاریکرد وە دیارکریاگی لە رووژ دووشەممە چوار ئازار ئایندە وەخت دادگایکردنیانە.
هەمیش وەزارەت سزای دیسپلینی ئەرا (8) ئەندام دەرکرد لەوەر هەمان دۆسیە کە لە پارێزگای بەسڕە رویدایە.
