کەفتن زەخمداری لەناو حەشد شەعبی لە ئەنجام وەخوارخستن درۆنیگ بومبی لە بیاوان ئەنبار
شەفەق نيوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە وەخوارخستن فڕۆکەیگ بێفڕۆکەوان وەلایەن هیزەیل حەشد شەعبی لە بیاوان پارێزگای ئەنبار.
سەرچەوەگە ئەرا ئاژانس شەفەق نیوز وت: ئەندامەیلیگ لە حەشد هووزانە لیوای 54 توەنستن درۆنیگ لە کەرت وەرپرسیارێتی لە ئەنبار بخەنە خوارەو.
دیاری کرد کە ئەو درۆنە تەقەمەنی هەڵگردوێد، و پەنج ئەندام حەشد لە ئەنجام تەقیان درۆنەگە وەگەرد کەفتنی زەخمدار بوین.
لەلای خوەییش، غازی محمدی سەرۆک دەسەی ئەمنی لە ئەنجومەن پارێزگای ئەنبار دووپات کرد کە هیزەیل ئەمنی ئاشکرای درۆنیگ نەناسیای کردن کە کەفتە نزار لە بیاوان روتبە لە ناوچەی رەحالیە، و وەشیوەیگ زویوەزوی و تواناداری وەگەردی رەفتار کریا.
محمدی ئەرا ئاژانس شەفەق نیوز وت: هیزەیل حەشد شەعبی لە ناوچەگە توانستن وەگەرد کەفتن درۆنەگە ئاشکرای بکەن، و هەناێ لەلی نزیکەو بوین تەقیەو، کە بویە هوکار زەخمداری سووکیگ لەناو بەشیگ لەلییان.
وتیش: لایەنەیل پەیوەندیدار دەسکردنە لێکۆڵینەوە ئەرا زانستن سەرچەوەی درۆنەگە، و هیزەیل ئەمنی ناخڵەی شوین رویداوەگە دان.
دیاری کرد کە ئیرنگە رەوش ئەمنی ئارامە، و هویچ هەڕەشەیگ راسگانی نییە، و دڵنیای هاوڵاتیەیل کەیمن کە کارەگە کەفتیەسە کۆنتڕۆڵکردن.
