عێراق گەوەرترین هاوردەکار سەوزەی تورکییە لە ماوەی ساڵیگ

شەفەق نیوز/ وەپای داتایەیل دامەزراوەی ئامار تورکیا، عراق لە پلەی یەکەم لیست هەناردەکردن بەروبووم سەوزەی تورکیا بویە لە ماوەی ساڵ ٢٠٢٤.

وەپای ئەو زانیاریەیلە ئاژانس خەوەری شەفەق وەپیاچگن ئەرای  کردیە، "هەناردەی سەوزەیل تورکیا لە ساڵ 2024 رەسیە ئاستیگ ئەلاجوی   کە نزیکەی 2.47 ملیار دۆلار بویە. ئێ ئامارە ئەلاجویە نوێنەرایەتی زیایبوین 80% کەێد لە ماوەی دەیەی وەرین".

وەپای داتاگان، "هەناردەی سەوزە و میوەی تورکیا ئەرا عراق وە 433 ملیۆن دۆلار لە پێشەنگ لیستەگە بویە، جەزائیر لە پلەی دوێەم جویر بازاڕیگ وەرچەو وە بڕ  هەناردەکردن 269 ملیۆن دۆلار. ئەڵمانیا هێمان یەکیگە لە زلهێزەیل ئابوری پێشەنگەیل ئەوروپا و بازاڕیگ سەرەکیە ئەرا تورکیا، وە بڕ سەنسن  183 ملیۆن دۆلار سەوزەیل".