عەبوودی: حکومەت لە ئەیلول لەبان بودجەی 2027 دەنگ دەێد

شەفەق نیوز/ بەغداد

قسەکەر وەناو حکومەت عراقی حەیدەر عەبوودی، رووژ دووشەممە، خەوەردا کە ئەنجومەن وەزیرەیل لە مانگ ئەیلول دەنگ لەبان پرۆژەی یاسای بودجەی گشتی ئەرا ساڵ 2027 دەێد.

عەبوودی لە کۆنگرەیگ رووژنامەوانی کە ئاژانس شەفەق نیوز ئامادەی بۊ، وت "کوڵهاوردن دارایی لەناو بودجە پشت وە یاسای ئیدارەی دارایی بەسێد، و لە ریژەی 3% رەد نیەوود"، دیاری کرد کە "وەزارەت دارایی ئیسە کار لەبان ئامادەکارییەیل و رێکارەیل و هەوەجەیل خوازیاگ ئەرا تەواوکردن یاساگە کەێد".

دیاری کرد کە "بودجەی ساڵ 2027 بوودە بودجەی بەرنامەیل، و بەرنامەیل حکومی پەیوەست وە کەرتەیل کارەبا و گەشەپیدان لە هەردوگ پارێزگای سەڵاحەدین و دیوانیە لەخوەی گرێد"، وتیش کە "دۆسیەی چەسپانن گریەبەسەیل لای وەزارەت دارایی ها ژیر لێکۆڵینەوە".

لە دۆسیەی دابینکردن ئەرا خاوەن موەلیدەیل، عەبوودی دیاری کرد کە وەزارەت نەفت دەسەڵات لە سەرۆک ئەنجومەن وەزیرەیل وەدەس هاوردگە ئەرا داین 35 لیتر ئەرا هەر کەی.ڤی وە خاوەن موەلیدەیل.

لەباوەت هەناردەیل نەفت، قسەکەر وەناو حکومەت عراقی دووپات کرد، کە "هەناردەیل خاو عراقی بەرزەو بۊنە، و ئیسە لە دوو ملیۆن بەرمیل لە رووژیگ کەمتر نین".