عراق یەکەمە لە کلکردنەیل وتاق بازرگانی عەمان لە 8 مانگ ئمساڵ

شەفەق نیوز ـ بەغدا / عەمان

عراق لە لیست گەپترین  وڵاتە وەرگرەیل کلکردنەیل وتاق بازرگان   عەمان ئوردن لە 8 مانگ یەکەمی ئمساڵ یەکەم بویە، وە بڕ 415 ملیۆن دیناری ئوردنی، وە پای داتایەیل وتاقەگە.

وەپای  داتایەیل، کوو گشتی ئەو هەناردەیلەی وتاق بازرگانی عەمان ئەرایان بڕوانامەی بنەڕەت دەرکردیە لەو ماوە رسیە 1.031 ملیار دینار، وەبەرزەوبوین 20.7%  بەراورد وەگەرد 854 ملیۆن دینار لە هەمان وەخت ساڵ گوزەشتە.

عراق لە ناوەین وڵاتە وەرگرەیل لە پلەی یەکەم هات، لە ری 1912 بڕوانامەی بنەڕەت، وەرجە سویسرا کە کلکردنەیل ئەرا ئەو وڵاتە رەسییە 102 ملیۆن دینار، ئیمارات وە 78 ملیۆن دینار، سعودیە وە 72 ملیۆن دینار و میسر بە 54 ملیۆن دینار.

کلکردن وتاق  تا کۆتایی مانگی ئاب/ئەیلول گوزەشتە بەش بویە وەبان   بەرهەمە بیانیەیل وە  بەهای 493 ملیۆن دینار، بەرهەمە کشاوەرزیەیڸ وە 153 ملیۆن دینار، بەرهەمە پیشەسازیەیل وە نزیکەی 119 ملیۆن دینار و بەرهەمە عەرەبیەیڵ وە 118 ملیۆن دینار، لەوەختیگ بەشەیل ترەک بڕەگە ئەرا بەرهەمەیل ترەک بەشەوکریانە.