عراق 60% لەو زەویەیلە لەدەس دەێد کە وە چەمەیل ئاویاری کریەن
2024-08-11T10:05:44+00:00
شەفەق نیوز/ وەزارەت کشتوکاڵی عراق، ئمڕوو یەکشەممە، دووپات کرد کە عراق نزیکەی 60% لەو زەویەیلە لەدەسداگە کە وە چەمەیل ئاویاری کریەن، و دیاری کرد کە جیگرەگەی وە فراوانبوین لە زەویەیل بیاوانی بویە.
محمد خوزاعی قسەکەر وەزارەتەگە لە قسەیلی ئەرا ئاژانس شەفەق نیوز وت: عراق نزیکەی 60 % لەو زەویەیل کشتوکاڵیە لەدەس داگە کە وە چەمەیل ئاویاری کریەن، لەوەر کەمئاوی و ئاڵشتبوین سەخت کەشوهەوا، کە هیشت پلان کشتوکاڵی زمسانی کاڵین گەنم ئەرا یەک و نیم ملیۆن دۆنم کەمەو بوود.
وتیش: وەزارەتەگە تەقەلا دا لە یاری سەختیەیل تا جیگر پەیا بکەێد لە سای کەمئاوی و ئاڵشتبوین کەشوهەوا ئەوەیش وە چگن وەرەو زەویەیل بیاوانی، وە ئاویاریکردن ئەو زەویەیلە وە ئاو ژیرزەوی.
خوزاعی وتیش: توەنستیمن وە کاڵین 4 ملیۆن دۆنم ئەو کەمیە پڕەو بکەیمن لەو زەویەیلە کە وە ئاو چەمەیل ئاویاری کریەن، وتیش؛ وەزارەتەگە وەشیوەی گەورەیگ سەرکەفتی بوی، نەک لە کاڵین گەنم تەنیا، بەڵکم زیایەیگ لەلی وەدەس هاوردیمن وە بڕ بەرهەمکردن 6 ملیۆن و400 هەزار تەن گەنم.
