عراق وە ماوەی یەک مانگ ٢٤ زەویلەرزە توومار کەێد
شەفەق نیوز/ وەزارەت گواستنەوە/ دەزگای گشتی کەشوهەوا و رەوانگەی زەویلەرزە/ بەش رەوانگەی زەویلەرزە، ئمڕوو چوارشەممە، ڕاپۆرت مانگانەی زەویلەرزەی مانگانە لە عراق و ناوچەیل هاوسای ئەرا مانگ نیسان ٢٠٢٢ بڵاو کرد.
سەمیرە رزا خەلەف خانمە وەڕێەوبەرا بەش رەوانگەی زەویلەرزە لە راپۆرتەگە دیاری کرد ک شمارەی زەویلەرزەیل ئی مانگە رەسیە ٢٤ زەویلەرزە، ١٦ لەلیان لەناو عراق توومار کریاگە، و ٣ زەویلەرزە لەناو ئیران، و ٣ زەویلەرزە لەناو تورکیا، وەگەرد یەک زەویلەرزە لەبان سنوور عراق و ئیران، تونی ئی لەرزەیلە لەناوبەین ٢،٠ – ٤،٠ پلە بوی، وقویلییان لەناوبەین ٨ – ٢٥ کیلومەتر بوی.
هەرلیوا، زەۊلەرزەیل ئی مانگە وەشیوەی ئاشکرایگ لەناو عراق و پارێزگاری سلێمانی لە قەزای کەلار، و پارێزگاری دیالە لە قەزای مەنەلی، و پارێزگاری واست لە قەزای بەدرە توومار کریا. و ئەو لەرزەیل لە ئیران بوی لە پارێزگایل کرمانشاە و ئیلام و کوردستان، و لەتورکیا لە ناوچەی سیرناک بوی.
و ئاشکرا بویە ک ناوچەیل خوەرئاوایی و خوەرئاوایی باشووری لە عراق هویچ گورجییگ زەویلەرزە لەناویان نییە، و یەیشە نشان سرووشت جۊلەی پارچەی عەرەوی و شوین عراق لەناوی دەێد لە بەش باکوور خوەرهەڵات، و زیادبوین گورجی زەویلەرزە وەرەو شۊنەیل لەیەکدان کشوەری وەرەو باکوور و باکوور خوەرهەڵات عراق.
جی باسە ک بڕ راپۆرتەیل زەویلەرزە رەسیە پەنج راپۆرت، و هویچ زەرەدیگ مرۆیی یا دارایی لەی مانگە لەوەر زەویلەرزە توومار نەکریا.
