عراق وە ماوەی سێ ساڵ نزیکەی ٥٢ تەن تەڵا سینێد

شەفەق نیوز/ ئەنجومەن تەڵای جەهانی، ئمڕوو شەممە، راگەیان کە عراق نزیکەی ٥٢ تەن تەڵا وە ماوەی سێ ساڵ گوزەشتە سەنیە.

وەگورەی نووترین خشتەی ئەنجومەنەگە، کە ئازانس شەفەق نیوز لەلی ئاگادار بوی، عراق ٥١.٩ تەن تەڵا وەماوەری سێ ساڵ گوزەشتە لە ٢٠٢٢ تا مانگ ئەیلوول ٢٠٢٤ سەنیە.

وتیش: عراق لە ساڵ ٢٠٢٢ ،  ٣٣.٩ تەن تەڵا سەن، و لە ساڵ ٢٠٢٣، ١٢.٣ تەن سەنیە، و لە ساڵ ٢٠٢٤، ١٢.٣ تەن تەڵا سەنیە، ٣.١ تەن لەلی لە مانگ شوبات سەنیە، و ٢.٦ تەن لە مانگ ئایار.

جی باسە کە ئەنجومەن تەڵای جەهانی بارەگای کەفێدە بەریتانیا، و ئەزموون فراوانیگ و زانستن قویلیگ لە کاریگەرییەیل ئاڵشتبوین بازاڕ دیرێد، و ئەندامەیلی لە گەورەترین کۆمپانیایل تەڵا لە جەهان هاتنە.