عراق و كوه‌يت باس له دامه‌زرانن ناوچه‌يگ ئازاد ئه‌كه‌ن
شه‌فه‌ق نيوز/ محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل و شانده ياوه‌رى، گفتگووه‌يليگ فه‌رمى وه‌ل مه‌رزوق ئه‌لغانم سه‌رۆك ئه‌نجومه‌ن ئومه‌ى كوه‌يتى ئه‌نجامدا وه ئاماده‌بوين مه‌روان ئه‌لغانم نوێنه‌ر سه‌رۆك سه‌ندووق ته‌نميه‌ى كوه‌يى وه‌ڕيه‌وبه‌ر ئداره‌ى پرووسه‌يل.
له‌و دانيشتنه باس له پته‌وكردن هاوكارى هاوبه‌ش ناونى كوه‌يت و عراق كريا له‌گشت بواره‌يل و له‌وانه‌يش بوار په‌رله‌مانى و ئابوورى و ده‌رئه‌نجامه‌يل كۆنگره‌ى ناوده‌وڵه‌تى كوه‌يت ئه‌را ئاوه‌دانكردنه‌وه‌ى عراق و تاووتوێكردن مه‌سه‌له‌ى دامه‌زرانن ناوچه‌يگ بازرگانى ئازاد له‌ناونى هه‌ردوگ وڵات ئه‌را ئاسانكردنه‌وه‌ى جيوازكردن كاڵا و كاره‌يل بازرگانى.
حه‌لبوسى جه‌خت له‌وه‌يش كرد كۆنگره‌ى ناوده‌وڵه‌تى كوه‌يت گاميگ گرنگ بويه و بايه‌سه كار له‌بان ميكانيزميگ ئاشكرا بكريه‌ێد ئه‌را كاراكردنى له‌وه‌ر چوينێتى هه‌واڵه‌كردن ئه‌و داراييه ك ته‌رخان كريا له كۆنگره‌ى ناوبرياێ ئه‌را پرووژه‌يل و ده‌سوه‌پيكردن جيوه‌جيكردنى.
