عراق و ئیران 118 روفات بیسەروشوینەیل جەنگ کەنداو یەکەم ئاڵشتکەن (وینە)
2025-10-05T07:48:05+00:00
شەفەق نیوز ـ بەغدا
لە دەروارەی سنوری شەلامچە لە پارێزگای بەسرە، شەوەکی ئمڕوو یەکشەممە، رسوومەیل ئاڵشتکردن روفات سەربازەیل ئیرانی و عراقی ئاڵشتکریا کە لە جەنگە خویناویەگەی ساڵ هەشتاگان سەدەی گوزەشتەی ناوەین دوو وڵاتەگە گیان لەدەسدان.
پەیامنێر ئاژانس شەفەق نیوز وت "ئیرنگە دەسکریاس وە مەراسیم رادەسکردن و وەرگردن روفاتەیل بیسەروشوینەیل جەنگ عراق و ئیران ناوەین دوو وڵاتەگە لە دەروازەی شەلامچە لە سنوور خوەرهەڵات بەسرە".
وتیش، "شمارەی رادەسکریاگ و وەرگریاگ 70 عراقی و 48 ئیرانی بویە".
وەپای وینەیل "روفاتەیل زیاتر هن لایەن عراقیین، کە بی ناونیشانن".
ئاڵشتکردن روفاتەیل لەناوەین ئێ دوو وڵاتە کرێد وەپای رێکەفتن جنێف ساڵ 2008، وە سەرپەرشتی لیژنەیگ ناودەوڵەتی مانگ سوور، و تا ئیسە ئاماریگ فەرمی لەبان بڕ گشتی چەنیگ رادەسکریاس و چەنیگ وەرگیریاس وەردەس نییە.
