عراق و ئیران ئەرا جیوەجیکردن پلان تاقیکردن هاوبەش ئەرا نواگردن خوەڵوتووز رێک کەفتن

ئازانس خەوەری فەرمی ئیران (ئیران) وت: شەو سێشەممە، هەردوگ لایەنەگە لەبان ئی رێککەفتنە واژوو کردن، دویای گردەوبوینیگ لە بەغداد ناوەین عەلی محمد تەهماسی راویژکار سەرۆک ریخریاگ ژینگە و سکرتێر دەسەی نیشتمانی ئەرا نواگردن خوەڵوتووز لە ئیران، وەگەرد جینشین هونەری لە وەزارەت کشتوکاڵی عراق میساق عەبدولحسێن عوبێد.

 وەگورەی قسەی ئاژانسەگە، هەردوگ لایەنەگە رێککەفتن لە ماوەی دوو مانگ ئایندە ٤ پڕۆژەی تاقیکردن وە هاوکاری هاوبەش لە چوار پارێزگا جیوەجی بکەن، زیقار و موسەنا و واست و میسان لە عراق، و دوو پڕۆژە لە پارێزگایل ئیلام و خوزستان لە ئیران.

لەی گردەوبوینە باس چوینیەتی رەفتارکردن وەرد بیاوانبوین و سنووردارکردن کاریگەری ئاڵشتبوین کەشوهەوا کریا، و لاوردن ریگری لەنوای ئاسایش خوەراک، وەگەرد وەڕیەوبردن و نواگردن خوەڵوارین.