عراق هێمان لە ناوەین لاوازترین پاسپۆرتەیل جیهانە لە ئاب ٢٠٢٦
شەفەق نیوز ـ بەغداد
لە پۆلینەیل نووسینگەی «هێنلی» ئەرا پاسپۆرتەیل ساڵ 2026 دەرچگە، پاسپۆرت عراق لە مانگ ئاب ئی ساڵە لە پلەی سێیەم لە ناوەین لاوازترین پاسپۆرتەیل جیهان جیگیر بویە؛ چوینکە خاوەن پاسپۆرت عراقی توەنێد بچوود وە 28 شوین لە گشت جیهان، وەبی ڤیزای وەرجەوەختە یا وە ڤیزای رەسین.
پاسپۆرت ئەفغانستان لە بان لیست لاوازترین پاسپۆرتەیل جیهانە، وە تەنیا 22 شوین بی ڤیزا، دویای ئەو پاسپۆرت سوریا وە 25 شوین هتگە، و عراق وە 28 لە پلەی سێیەمە، وپاسپۆرت پاکستان لە پلەی چوارەم هاتگە وە 29 شوین، و یەمەن لە پلەی پەنجەمە وە 30 شوین.
لە بەش تر لیستەگە، سۆمال وە 32 ، نیپال وە 34 شوین، کۆریای باکوور وە 35 ، ئیران وە 37 شوین، و ئەریتریا لە پلەی دەیەم هاتگە وە 38.
نیشاندەر «هێنلی» یەکیگ لە گرنگترین نیشاندەرەیل جیهانییەیلە کە هاز پاسپۆرتەیل پەیمانە کەێد، و وەپای داتا تایبەتەیل یەکێتی ناودەوڵەتی گواستنەوەی ئاسمانی (IATA) ئامادە کرێد.
