عراق هووشداری لە شەپۆل دوویەم کۆڕۆنا دەێد: ئیجا سەختترەو بوود
2021-01-19T09:45:12+00:00
شەفەق نیوز/ وەزارت تەندروسی وژینگەی عراق هووشداری دا ک وڵاتەگە بکەفێدە وەر دوویەم شەپۆل لە پەتای کۆڕۆنا، وتیش؛ ئیجا لە یەکەمەگە سەختتر بوود.
وەزارەت تەندروسی لە بەیاننامەیگ وت: لە پای وەرپرسایەتی و ئەرکەیل نیشتمانی خوەی، وەزارەت تەندروسی وژینگە، چەودیری هەڵوێست پەتای ناوخۆیی وناودەوڵەتی کەێد، لەوەر مەترسیەیل گەورایگ لە بەرزەوبوین تووشهاتنەگان وە شەپۆلیگ دوویەم، وشایەت لە یەکەمەگە سەختتر بوود، وەو شیوە ک لە فرە دەوڵەتەگان بوی، و وەگورەی هووشداریکردن رێکخراو تەندروسی جهانی، ئەوەیش لە بڕیگ هووکار، لەلیان:
یەکەم: ماوەی وەرگری تووشهاتنەگە نەزانریاگە، و ئەگەر لە دوویەم تووشهاتن هەس، و نەبایەد پشت وەپی بووسیەێد و واز لە ریکارە مقەیەتیەگان باریەێد.
دوویەم: ئاڵشتبوین وەردەوام لە بنچینەیل ڤایڕۆسەگە، وەو شیوە ک لە دەوڵەتەیل بەریتانیا و باشوور ئەفریقا و بەڕازیل بوی، و ئی ئاڵشتبوینە بویە دروسکەر بنچینەیلیگ فرەتر لە بنچینە کۆنەگە بڵاو بوون ک تا ئیسە رەسیە ٥٠ دەوڵەت، و ئەگەر هەس ک بنچینەگە لە وڵاتەگەمان ئاڵشت بوود، یا لە وڵاتەیلیگ تر باێد.
سێیەم: خەمسەردیە گەوراگە لە ریکارە مقەیەتیەگان لەلایەن دامەزراوە حکومەتیەگان و نا حکومەتیەگان و کەرت تایبەت لە رەوانگەکردن تیمە تەندروسیەگانمان، ک لاوازی ئاشکرایگ هەس لە پابەندبوین و وەزانابوین لە پێشێلکردن رینمایل دەسەی باڵای تەندروسی و سەڵامەتی نیشتمانی.
چوارەم: وازکردن گشت شوونە گشتیەگان و مەزارە ئاینیەکان و هاتنەوەی ژیان سرووشتی وەشیوەیگ تەواوەتی لەی شوونەیل قەڕەباڵغە، وەبی پابەندبوین وە ریسگایل دویرەوکەفتن کۆمەڵایەتی.
پەنجەم: وەرز زمسان و داوەزین پلەیل گەرمی کاریگەر دەسمیەتداریگە ئەرا بڵاوبوین پەتاگە.
وتيش؛ وەزارەت تەندروسی وژینگە دووپات کەێد ک رەوش پەتاگە تا ئیسە کۆتایی نەهاتگە، و وەردەوامی لە بەرزەوبوین رێژەی خاسەوبوینەگان و مردنەگان لە ئەنجام رەنجەیل فرەیگ هات لەلایەن وەزارەت تەندروسی وە کادرە پێشکەفتگەیلی و سوپای چەرمگی وو توانا کەمەگانی و پلانە توکمەگانی ک رەسیە فراوانبوین گەورابگ لە لایەن دیاریکردن و چارەسەری و مقەیەتی لەماوەی هەفت مانگ گوزەیشتە، و ئی وەزارەتە لەی جەنگ سەختە زیاتر لە ١٨٠ شەهید لە سوپاگەی لە دەسدا و هەمیش زیاتر لە ٢٨ هەزار تووشهاتن.
