عراق ها لە لوتکەی هاوردەکردن ئارد لە تورکیا

شەفەق نیوز/ جیگیر وەزیر دەێشت تورکیا مەحمود کورجان، ئمڕوو دووشەممە، راگەیان عراق ها لە پلەی یەکەم هەناردەیل ئارد گەنم تورکیا.

کورجان لە بەیاننامەیگ کە ئاژانس شەفەق نیوز دیەسێ وت: "بەش تورکیا لە هەناردەکردن ئارد گەنم لەبان ئاست جەهان رەسیەس ئەرا  6.96 مليار دۆلار وە رێژەی   21.2% وە بڕ 1.47 مليار دۆلار لە ساڵ 2023".

وتیش "هەناردەی ئارد گەنم تورکیا لە ساڵ  2024 رەسیە ئەرا 1.16 ملیار دۆلار"، دیاریکرد"عراق ها لە پلەی یەکەم ئێ هەناردەیلە لەدویای ئەو سوریا و سۆمال و جیبوتی و فەنزۆلیا تێد".