عراق نزیکەی یەک مەلیۆن تاقەبەش لە واکسین فایزەر و ئەسترازینیکا وەرگرێد
![عراق نزیکەی یەک مەلیۆن تاقەبەش لە واکسین فایزەر و ئەسترازینیکا وەرگرێد](https://media.shafaq.com/media/arcella/1632992400873.jpg)
شەفەق نیوز/ سەرچەوەیگ لە وەزارەت تەندروسی و ژینگەی عراق، ئمڕوو پەنجشەممە، راگەیان وەرگردن بارەیل نوویگ لە واکسینەیل دژوە ڤایرۆس کۆڕۆنا.
سەرچەوەگە ئەرا ئاژانس شەفەق نیوز وت: کۆمپانیای گشتی بازاڕکردن دەرمان سەروە وەزارەت تەندروسی، لە ماوەی دە رووژ گوزەیشتە بارەیل نوویگ لە واکسین و دەرمان و پرۆتۆکۆلەیل چارەسەکردن تۊشهاتگەیل ڤایرۆس کۆڕۆنا وەرگرد.
سەرچەوەگە وتیش: کۆمپانیای دەرمان لە ماوەی رووژەیل گوزەیشتە ٧٦٧ هەزا تاقەبەش لە واکسین فایزەر وەرگرد، و هەمیش ٢٤٩٦٠٠ تاقەبەش لە واکسین ئەسترازینیکا.
سەرچەوەگە وتیش؛ روسین بارەیل واکسین و دەرمانەیلە وەرەو عراق لە مەرزەیل ئاسمانی لە فڕۆکەخانەی بەغداد و هەولێر و بەسرە وەردەوامە.