عراق نرخ فروشتن نەفت سووک بەسرە ئەرا ئاسیا بەرزەو کەێد

شەفەق نیوز/ کۆمپنیای فروشتن نەفت عراق ' سۆمۆ'، رووژ سێشەممە، وت: نرخ فرووشتن فەرمی ئەرا خام سووک بەسرە بەرزەوکرد لە مانگ ئاب ئەرا ئاسیا وە ٠،٨٥ دۆلار، تا بوودە ٢،١٠ دۆلار ئەرا یەک بەرمیل، لەبان ناوڕاسی نرخەیل عومان/دوبەی ک هەل کریاگە، وەگورەی مانگ گوزه‌شتە.
نرخ فەرمی فرووشتن خام سووک بەسرە له‌ ئاب دیاری کریا ئەرا بازاڕەیل ئەمریکای باشووری و باکووری وە ٠،٩٥ دۆلار ئەرا یەک بەرمیل، لابان نشانەی ئەرجوس ئەرا خامەیل کبریت بەرز، وەبەرزەوبوینیگ لە مانگ گوزەشتە، لە وەختیگ ک نرخ فروشتن ئەرا ولایەتیەل یەکگردگ بویە ١،٠٠ دولار ئەرا بەرممیلیگ لەبان ئەرجوس.
لە ئاست ئۆڕوپا، نرخ فرووشتن خام سووک بەسرە لە ئاب کەمەوبوی لە ٠،٥٠ دۆلار ئەرا ١،٦٠ دۆلار ئەرا یەک بەرمیل لەبان نرخ برینت، و نرخ فرووشتن خام کەرکوک داوەزیا ئەرا +٢،١٥ دۆلار.