عراق یەکەمین تووشهاتن وە کۆڕۆنا هیندیە سەختەگە تۆمار کەێد
2021-04-27T06:23:36+00:00
شەفەق نیوز/ سەرچەوەیگ خۆجێی لە پارێزگای زیقار، ئمڕوو سێشەممە، خەوەردا لە تۆمارکردن یەکەم تووشهاتن لە ئاست عراق وە ڤایڕۆس کۆڕۆنای هیندیەگە.
سەرچەوەگە ئەرا ئاژانس شەفەق نیوز وت: لایەنە پزشکیەکان لە پارێزگاگە تووشهاتن هاووڵاتییگ لە خەڵک قەزای شەترە تۆمار کردن لە ماوەی رووژەیل گوزەیشتە لە وڵات هیند هاتیەسەو، و دویای سێ رووژ نشانەیل ڤایرۆسە هیندیە بکوشەگە وەپیەو ئاشکرا بوین.
وڵات هید کەفتیەسە وەر بڵاویوین کارەساتییگ ک خەسەخانەیلی پڕ کرد و تەرم سزاننەگان وەگشت توانایلیان کار کەن.
و دیاری کرد ک ئۆکسجین تووشهاتگەگە ئەرا ٣٠% داوەزیا ک خوەی ئاست فرە نزمیگە، و دووپات کرد ک تیمیگ پشکی چەودیری تووشهاتگەگە کەێد، و کەرەنتین گشت وەقیداگەیلی لە ماوەی سێ رووژەگە کەێد.
