عراقییەیل سێیەم فرەترین ڕەگەزنامە بوین کە لە تەموز سەردان تورکیا کردنە
شەفەق نیوز ـ ئەنقەرە
عراق لە پلەی سێیەم هات لە ناو ئەو رەگەزنامەیەیل کە زیاترین سەردان ئەرا تورکیا لە مانگ تەموز 2026 کردنە، دویای ئەوەگ شمارەی سەردانکەرە عراقییەیل رەسیە 131 هەزار و 607 سەردانکەر، وە توومارکردن بەرزبوینیگ وە رێژەی 8.59% بەراورد وە 121 هەزار و 191 سەردانکەر لە تەموز 2025، وەپای وەزارەت کولتوور و گەشتیاری تورکیا.
وەپای داتاگە کە ئاژانس شەفەق نیوز ئاگاداری بوی، ئیران لە بان لیست سەردانکەرەیل تورکیا بوی وە 322 هەزار و 256 سەردانکەر، دویای ئەو سعودیە وە 191 هەزار و 125 سەردانکەر هات، لە وەختیگ عراقییەیل وە 131 هەزار و 607 سەردانکەر لە پلەی سێیەم بوی.
داتاگە نیشان دا، بەش سەردانکەرە عراقییەیل لە کۆ ئەو کەسەیلە هاتنەس ناو تورکیا رەسیە 1.85% لە تەموز 2026، بەراورد وە 1.70% لە هەمان مانگ لە ساڵ 2025 و 1.53% لە تەموز 2024.
شمارەی سەردانکەرە ئیرانییەیل بەرزبوویە وە رێژەی 27.11% وە بنەمای ساڵانە، لە وەختیگ شمارەی سەردانکەرە سعودییەیل وە هەمان ماوەدا وە رێژەی 3.97% کەمەوبوی.
لە ئاست کیشوەر ئاسیا، کۆ سەردانکەرەیل هاتنەس تورکیا رەسیە 1.039 ملیۆن سەردانکەر لە تەموز 2026، وە زیادبوینیگ وە رێژەی 10.42% وە بەراوەرد وە تەموز 2025.
